L’arte delle parole: la poesia

Home / News / L’arte delle parole: la poesia

L’arte delle parole: la poesia

Opera dedicata dal poeta Gennaro Sannino al maestro Lello Antonelli il 1 Maggio 1991

O’ Sarto
Ognuno
se pò mettere mmano
pennielli e culure
‘nquacchia na tela
e se fa chiammà
pittore.
O’ sarto no,
primma adda tenè
‘a passione,
adda fa ‘a scola
cu nu sarto bbuono,
cu nu masto, nzomma,
pò chianu chiano
cu l’ago e co’ cuttone
primma s’ mpara
a mettere nu buttone,
pò a passà e ntrillante,
pò s’ mpara a fa
na piega a nu cazone,
pò s’ mpara a taglià;
e ccà se vede
si esce nu maneco
bbuono.

p’ o’ sarto
‘o taglio è tutte cose,
sì taglia bbona a stoffa
è comm’ a nu pittore
c’ha saputo dà
e prupurzioni a nu disegno
e ha sapute scegliere
e’ meglie culure.
O’ sarto,
cu ddoje mesure
te sape mettere n’cuollo
nu capulavoro.
te fa parè nat’ommo,
cchiù elegante,
n’ommo e cunseguenza.
Quanno te miette
na giacca e nu cazone
ca te scenneno ‘ncuollo
na meraviglia
allore te siente cuntento
comma a nu criaturo
pè’ na cosa ch’era speruto.
pirciò diceva bbuono
o nonno mio:

“pe fa o’ sarto
ce vo ll’arte”

Recommended Posts
Contattaci

Mandaci un messaggio e ti ricontatteremo prima possibile

Not readable? Change text. captcha txt

Start typing and press Enter to search

8CC209B0-664A-483E-A645-E0F25929D8E2